Zonat bregdetare mbeten në ndikimin e motit të kthjellët përgjatë gjithë 24_orëshit. Sipas MeteoAlb zona e ulët dhe malore do të kenë alternime kthjellimesh dhe vranësirash të lehta, të cilat më të fokusuara pritet të jenë përgjatë kufirit Lindor. Por vranësirat nuk do të mund të sjellin reshje në vendin tonë.
Temperaturat e ajrit do të rriten në mëngjes dhe në mesditë duke luhatur vlerat ditore nga -6°C deri në 13°C. Era do të fryjë e lehtë në tokë dhe mesatare në det me shpejtësi 38 km/h nga drejtimi Lindor – Verilindor duke krijuar dallgëzim 2 ballë.
Kosova
Kushtet e qëndrueshme atmosferik do të përfshijnë të gjithë vendin, ku parashikohet të ketë kthjellime dhe kalime vranësirash. Vranësirat do të jenë më të theksuara në orët e pasdites dhe mbrëmjes. POR edhe pse do të ketë vranësira reshjet nuk do të jenë prezente në Kosovë gjatë ditës së premte.
Maqedonia e Veriut
MV do të jetë në ndikimin e vlerave të larta barike të cilat do të sjellin dominim të kthjellimeve deri në orët e mesditës në pjesën më të madhe të territorit. Por në orët vijuese parashikohet që vranësirat e lehta të shfaqen në një pjesë të mirë të territorit të MV.
Rajoni dhe Europa
Europa Qendrore dhe Britania e Madhe do të jenë në ndikimin e motit të paqëndrueshëm duke sjell reshje shiu të shoqëruara me stuhi afatshkurtra ere. Gjithashtu me reshje të dendura dëbore vijojnë të jenë vendet Nordike dhe Lindja e kontinentit. Ndërsa në mbizotërimin e kthjellimeve dhe vranësirave të pakta do të jetë Europa Jugore.
g.kosovari
