Dy persona kanë mbetur të plagosur si pasojë e të shtënave me armë zjarri mes një grupi të rinjsh në Durrës mbrëmjen e kësaj të mërkure. Të plagosurit janë Aflred Skonja dhe Ismail Cyrbja.
Ngjarja ka ndodhur në lagjen nr.5 në qytetin bregdetar. Nga të dhënat paraprake dyshohet se të plagosurit dhe autori janë përdorues droge.
Njëri nga të plagosurit, Skonja rezulton të jetë vëllai i një polici. Burime për Report Tv mësojnë se njëri nga të plagosurit ndodhet në Durrës dhe është plagosur në këmbë.
Ndërsa tjetri ndodhet në spitalin e Traumës në Tiranë, i plagosur me një plumb në shpatull.
Nuk dihen ende shkaqet e kësaj plagosje, sakaq policia ndodhet në vendngjarje për të zbardhur shkaqet e plota të kësaj ngjarje.
