Një person ka mbetur i plagosur nga disa të shtëna me armë në kryeqytet në zonën e Komunës së Parisit.
24-vjeçari me inicialet L.H raportohet të ketë marrë një plumb në shpatull dhe të jetë dërguar menjëherë në spital për të marrë mjekimin e nevojshëm.
Janë ende të paqarta rrethanat e ngjarjes, por nga hetimi paraprak dyshohet se është qëlluar me armë zjarri nga disa automjete, të cilat kanë qenë në lëvizje.
Mësohet se policia ka ngritur postoblloqe për të bërë të mundur ndalimin dhe arrestimin e autorëve.
I plagosuri udhëtonte në mjetin me targë AA777RT dhe thuhet se është 24-vjeç.
“I njoh ata dy çunat” – Dëshmitarja flet për “luftën” te Komuna e Parisit
Informacioni paraprak nga Policia:
Më datë 03.08.2017, në Numrin e Emergjencave 112, rreth orës 19:55, ka ardhur një telefonatë për shkëmbim zjarri në kryqëzimin e Komunës së Parisit.
Në vendngjarje kanë mbërritur shërbimet e policisë dhe ambulanca. Nga hetimet paraprake ka rezultuar se ka pasur një shkëmbim zjarri midis disa mjeteve, ku për pasojë ka mbetur i plagosur në shpatull shtetasi L.H., 24 vjeç, i cili ndodhet në spital nën kujdesin e mjekëve.
Janë ngritur pika kontrolli në hyrje-dalje të qytetit.
Vazhdon krehja e zonës. Grupi hetimor po punon për identifikimin dhe kapjen e autorëve dhe zbardhjen e plotë të rrethanave të ngjarjes.
a.ç
