Të paktën 5 nxënës kanë vdekur nga të shtënat me armë në një shkollë në Sao Paulo, të Brazilit.
Sipas televizionit brazilian “Globo”, në mesin e viktimave janë pesë fëmijë, një person i rritur dhe dy sulmuesit që besohet se janë adoleshentë. Policia dhe organet tjera të emergjencës nuk kanë dhënë hollësi për sulmin.
Një dëshmitar i paidentifikuar ka deklaruar për një gazetë braziliane se e ka parë një person duke gjuajtur me armë zjarri në oborr të shkollës dhe duke hyrë brenda saj në kohën kur aty ishte duke u zhvilluar procesi mësimor, shkruan “The Guardian”,
Policia thotë se dy adoleshentë të maskuar dhe të armatosur kryen sulmin rreth orës 09:30 lokale.
Mediat lokale raportojnë se dy adoleshentët kanë vdekur. Ata kryen vetëvrasje pas sulmit.
Guvernatori i shtetit të Sao Paulo, Joao Doria shkroi në Twitter se viktimat u “vrarë mizorisht”.
