Duke marr shkas edhe nga denoncimet e qytetarëve Ministrja e Drejtësisë Etilda Gjonaj në ka theksuar edhe një herë fokusin kryesor të Task Forcës Antikorrupsion. “Detyrimi ligjor i punonjësve të administratës publike është që t’ju shërbejnë qytetarëve në kohë e me cilësi, si dhe të jenë dinjitozë në punën e përditshme. Qytetarët janë aleati ynë kryesor.” ka thënë Gjonaj.
Në një deklarat për shtyp Gjonaj theksoi se e kemi bërë të qartë, se do të qeverisim me qytetarët dhe për qytetarët, si aleati ynë kryesor.
Në fjalën e saj ministrja theksoi se duke marr shkas nga ankesat dhe denoncimet të adresuara në platformën shqipëriaqëduam.al, Taska Forca Antikorrupsion gjatë kësaj jave ka kryer kontroll në zyrën Vendore të Regjistrimit të Pasurive të Paluajtshme, Berat.
Në përfundim të kontrollit tha Gjonaj u konstatuan shkelje të afateve për trajtimin e praktikave dhe përpunimit të kërkesave të qytetarëve të cilat kanë çuar në mohimin e të drejtës për të marr shërbim në kohë dhe me cilësi.
“Bazuar në shkeljet e sipërpërmendura u rekomanduan disa masa disiplinore për punonjësit e kësaj zyre vendore. Vërejtje me shkrim për tre përgjegjës sektori, 2 përgjegjës zone, përgjegjësit të sektori të arkivës dhe administrimit të informacionit, si dhe një specialiste të kësaj zyre. Gjithashtu u rekomanduan masa administrative me qëllim përmirësimin e veprimtarisë së zyrës vendore Berat për përmirësimin e cilësisë së shërbimeve të ofruara ndaj qytetarëve. Gjithashtu në vazhdën e inspektimeve të kryera më herët në Zyrën e Regjistrimit të Pasurive të Paluajtshme, Durrës masat vazhdojnë. Pas inspektimit është depozituar në Prokurorinë e Rrethit Gjyqësor Durrës kallëzim penal për e dyshuara të “shpërdorimit të detyrës” si dhe të “pastrimit të produkteve të veprës penale”, të kryera në bashkëpunim, për punonjësit e zyrës vendore të regjistrimit të pasurive të paluajtshme Durrës”, deklaroi Miniatrja.
Sipas Gjonajt, nisur nga një tjetër ankesë e ardhur pranë portalit shqipëriaqëduam.al lidhur me veprimtarinë e zyrës përmbarimore shtetërore Fier, është shkarkuar nga detyra sot kryetari i kësaj zyre Arjan Cepele. “Nga inspektimi i kryer nga Task Forca Antikorrupsion rezulton se ka pasur shkelje të disiplinës në punë në mënyrë të përsëritur në veprimtarinë e tij si përmbarues, gjithashtu janë gjetur shkelje ligjore dhe proceduriale, për mosrespektim të afateve dhe procedurave gjatë ekzekutimit të titujve ekzekutiv. Njëkohësisht gjatë kësaj jave, Shërbimi i Kontrollit të Brendshëm në Ministrinë e Drejtësisë, ka evidentuar shkelje ligjore për 6 punonjës policie pranë IEVP Lezhë, pasi kanë kryer veprime në kundërshtim me legjislacionin në fuqi lidhur me elementët e sigurisë në institucionet penitenciare”, theksoi Gjonaj.
