Gjykata dha të shtunën masën e sigurisë për tre vëllezërit Myslimi që dhunuan dy ditë më parë gjyqtarin në Vlorë, pas një vendimi për një çështje pronësie.
E bija e njërit prej vëllezërve, ish-kandidatja e LSI-së për deputete në zgjedhjet e 25 Prillit në Vlorë, Grisielda Myslimi tha para gazetarëve se gjykata qëllimisht ka shtrëmbëruar faktet, pasi sipas saj, në burg duhet të qëndronte Elmas Myslimi, ndërkohë që gjykata vendosi që në burg të shkonte Fatosh Myslimi.
Ajo theksoi se Elmazi është personi me syze dhe që mendohet se ka prekur gjyqtarin, por sipas një raporti mjekësor të paraqitur nga ky i fundit, ai është vendosur në arrest shtëpie.
Në lidhje me konfliktin, Myslimi tregoi se historia e kësaj prone ka filluar në vitin 2010, duke theksuar: Në këtë vit ne kemi lidhur një kontratë shkëmbimi me dy firma ndërtuese, përkatësisht firmat: Trial SHPK, me administrator z.Kreshnik Tepelena, i cili sot është nëndrejtor i Portit të Vlorës dhe gjithashtu është këshilltar në Këshillin Bashkiak prej vitesh dhe gjithashtu në vitin 2017 ka qenë edhe drejtor i KSHA-së në Vlorë. Administrator i firmës tjetër ndërtuese që ne kemi lidhur kontrarë është z.Adem Shehaj. Në vitin 2015, kjo pronë dhe jo vetëm, janë shitur nga administratorët e firmës nga dy tre herë. E njëjta gjë ka ndodhur edhe me pronën në fjalë, pikërisht kjo pronë në vitin 2015 i është shitur një pale të tretë, ndërkohë ne si sipërmarrës e kemi lidhur kontratën e shkëmbimit në vitin 2010.
“Sipas ligjit, i cili shprehet shumë hapur personi i parë që ka të drejtë dhe e zotëron pronën nuk mund ta posedojë personi i dytë. Firma e ndërtimit e ka shitur pronën tonë, ndërkohë që ska asnjë lloj logjike si mund ta ketë bërë një gjë të tillë”, tha ajo.
Deklarata e Grisielda Myslimit:
Gjykata ka dhënë masën e sigurisë për tre vëllezërit Myslimi që dhunuan dy ditë më parë gjyqtarin në Vlorë pas një vendimi për çështje pronësie.
Sapo ka përfunduar seanca gjyqësore për gjykimin e tre vëllezërve të cilët janë mbajtur në burg, pasi iu është rrëmbyer prona nga ana e gjyqtarit Arqile Basho. Vendimi i gjykatës ka qenë i tillë që dy prej vëllezërve u është dhënë arrest shtëpie, ndërsa njërit prej tyre arrest me burg. Gjithashtu, gjatë gjykimit ka pasur edhe shtrembërim të fakteve, pasi është ngatërruar me dashje nga ana e gjyqtarëve personi që duhet të qëndronte në burg. Pra, duhet të qëndronte në burg Elmaz Myslimi, ndërkohë ka mbajtur Fatosh Myslimin. Elmaz Myslimi është personi me size që ka prekur gjyqtarin dhe nuk e kanë mbajtur në burg Elmazin, pasi ky i fundit është me raport mjekësor, por kanë mbajtur Fatosh Myslimin.
Problemi i tokës tonë e ka zanafillën që nga viti 2010. Në këtë vit ne kemi lidhur një kontratë shkëmbimi me dy firma ndërtuese, përkatësisht firmat: Trial SHPK, me administrator z.Kreshnik Tepelena, i cili sot është nëndrejtor i Portit të Vlorës dhe gjithashtu është këshilltar në Këshillin Bashkiak prej vitesh dhe gjithashtu në vitin 2017 ka qenë edhe drejtor i KSHA-së në Vlorë. Administrator i firmës tjetër ndërtuese që ne kemi lidhur kontrarë është z.Adem Shehaj. Në vitin 2015, kjo pronë dhe jo vetëm, janë shitur nga administratorët e firmës nga dy tre herë. E njëjta gjë ka ndodhur edhe me pronën në fjalë, pikërisht kjo pronë në vitin 2015 i është shitur një pale të tretë, ndërkohë ne si sipërmarrës e kemi lidhur kontratën e shkëmbimit në vitin 2010.
Sipas ligjit, i cili shprehet shumë hapur personi i parë që ka të drejtë dhe e zotëron pronën nuk mund ta posedojë personi i dytë. Firma e ndërtimit e ka shitur pronën tonë, ndërkohë që ska asnjë lloj logjike si mund ta ketë bërë një gjë të tillë.
Dalja e tyre nga gjykata u shoqërua me të bërtitura dhe ndërhyrje të familjarëve, të cilët tentuan të hapnin edhe derën e makinës së policisë teksa thërrisnin se në vend të tyre duhej të ishte gjyqtari dhe jo ata.
Ngjarja ndodhi në ambientet e Gjykatës së Vlorës, ku pas një vendimi të dhënë, gjyqtari Arqile Basho 63-vjeç është dhunuar nga të paditurit.
Tre vëllezërit kanë hedhur akuza në drejtim të gjykatësit, duke pretenduar se po i grabit pronën dhe se sipas tyre vendimi i gjykatësit është dhënë kundër tyre./m.j
