Një skandal seksual është duke u komentuar në Britani. Bëhet fjalë për deputetin konservator David Warburton i cili dyshohet se thithi disa viza kokainë përpara se të zhvishej lakuriq dhe të prekte gjoksin e një gruaje në banesën e saj.
56-vjeçari është pezulluar nga grupi parlamentar pasi një sërë pretendimesh iu bënë organit mbikëqyrës parlamentar të ngacmimeve të paktën nga tre gra.
Deputeti i dërgoi një gruaje një mesazh mëngjesin tjetër pasi kishte qenë në banesën e saj duke e pyetur nëse ‘ishte krenare që një deputet kishte fjetur në shtëpi me të’.
Ai shtoi: “Premtoj që nuk do t’i heq më të gjitha rrobat e mia”.
Gruaja më e re tha se e kishte paralajmëruar Warburton në mënyrë të përsëritur para dhe gjatë vizitës së tij se nuk donte të bënte seks me deputetin.
Por, pavarësisht nga kundërshtimet e saj, ajo pretendon se Warburton e afroi trupin e tij me trupin e saj dhe i shtrëngoi gjoksin ndërsa u shtrirë në shtratin e saj.
Dy gra të tjera kanë dalë gjithashtu duke e akuzuar atë për komente të padëshiruara seksuale dhe prekje të pahijshme.
Të dyja thonë se ai mburrej për përdorimin e kokainës, duke pohuar se e mbante atë në shtëpinë e tij në Londër, shtëpi e financuar nga taksapaguesit.
Mbrëmë The Sunday Times publikoi një foto të tij të ulur në një tavolinë me disa viza kokaine në një tepsi.
Mbrëmë Warburton u pezullua nga partia e tij për shkak të pretendimeve për ngacmime që dolën në media.
Do të thotë se ai ende mund të votojë, por jo si deputet konservator.
Warburton dhe gruaja ishin takuar përmes punës dhe ai u vetëftua në banesën e saj, pavarësisht se kishte prova që ajo kishte pirë shumë.
Gruaja gjithashtu pretendon se veshi disa pizhame me shpresën se Warburton do të merrte mesazhin se ajo nuk ishte e interesuar.
Por ajo pretendon se ai u zhvesh lakuriq para se të shkonte në shtrat me të, duke thënë se ai ishte gjithmonë pa rroba.
Gruaja tha se priti derisa ai ra në gjumë.
Ajo ende nuk ka bërë asnjë ankesë në polici apo ndonjë organ tjetër hetues duke thënë se dëshiron të harrojë incidentin.
Por dy të tjera kanë vendosur të marrin masa kundër tij përmes Skemës së Pavarur të Ankesave.
Të dyja gratë e akuzojnë Warburton për komente të padëshiruara seksuale dhe prekje seksuale
/b.h
