Të akuzuarit e rastit “Lagjja e Trimave” te marten do të dalin në Gjykatën e Shkupit për të dëshmuar në seancë gjyqësore për ngjarjet që kanë ndodhur më 9 dhe 10 maj të vitit 2015-të në “Lagjen e Trimave” në Kumanovë, njofton Portalb. Sipas aktakuzës 29 persona akuzohen për terrorizëm dhe prishjen e rendit kushtetues të Maqedonisë. Seanca e fundit u mbajt më 11 shkurt. Përndryshe në seancën e fundit, avokatët e palës mbrojtëse për rastin janë zotuar se edhe shkencërisht do ta dëshmojnë se është i pabazë kualifikimi si vepër terroriste dhe organizim terrorist nga ana e Prokurorisë Publike për ngjarjet e 9 dhe 10 majit në Kumanovë. Ndërsa të akuzuarit kanë kërkuar drejtësi dhe kanë hedhur dyshime të reja të cilat do t’i japin kahe të duhur rastit drejt zbardhjes.
Të martën mbahet seanca gjyqësore për rastin “Lagjja e Trimave”
