Dikur na kanë mërzitur për tatuazhet dhe pretendimet e dashurisë së tyre, por sot kanë turp. Derisa disa personalitete të njohura pas ndërprerjes së lidhjes apo pas divorcit kanë vendosur të mbajnë tatuazhet që simbolizojnë ish-dashurinë e tyre, ka edhe të tillë të cilat janë penduar dhe kanë vendosur që t’i largojnë ato. Kështu yjet si Johnny Depp, Britney Spears, Angelina Jolie dhe Charlie Sheen i kanë rënë pishman për zbukurimin e trupit të tyre me tatuazhet “e dashurisë”, kështu që të njëjtat i kanë “përmirësuar” apo në tërësi i kanë larguar. Mbishkrimi “Ëinona Forever”, i cili dikur qëndronte në kraharorin e aktorit të mirënjohur, Johnny Depp, si simbol i dashurisë për të dashurën e atëhershme, Ëinona Ryder, më vonë është ndërruar, kështu që tani në dorën e tij të djathtë shkruan “Ëino Forever”.
Këngëtarja e bukur, Britney Spears, nga qafa e saj e ka larguar tatuazhin me simbolet e sektit “Kabbala”, të cilin e kishte bërë derisa ishte mbështetëse e tij. “Dikur e mbështesja këtë sekt, por më vonë u bëra pishman për këtë tatuazh dhe e kam larguar”, pati deklaruar Spears.
Aktori problematik, Charlie Sheen, emrin e ish-bashkëshortes së tij, Denise Richards-it, e largoi nga dora e majtë, ndërsa aktorja po ashtu vendosi të heqë tatuazhin që simbolizon ish-dashurinë e tyre, kështu që mbishkrimin “Charlie” e shndërroi në vilë.
Sot dorën e majtë të bukuroshes, Angelina Jolie, e “zbukuron” dragoi, ndërsa më herët në vendin e njëjtë qëndronte mbishkrimi “Billy Bob”, i cili “lindi” në kohën kur kjo bukuroshe ishte në martesë të lumtur me aktorin, Billy Bob Thornton.
“Me Billy-n kam kaluar momente të mira, por edhe të këqija. Tatuazhi që mbante emrin e tij pas ndarjes më ‘vriste’ sytë dhe për këtë qëllim vendosa ta largojë”, tha kjo aktore dhe regjisore e njohur.
