Partia Demokratike ka lëshuar sot deklaratën e radhës në kuadër të lojës mes subjekteve politike se cila do ta marrë flamurin për dekriminalizimin e politikës.
Ka qenë deputeti Oerd Bylykbashi ai i cili ka ftuar mazhorancën të nënshkruajë një pakt për largimin e të inkriminuarve nga listat e kandidatëve në zgjedhjet e qershorit 2014.
Bylykbashi listoi një sërë pikash që sipas tij do të mundësojë pakti në fjalë. Sipas tij, dalja në konferencë për shtyp kishtë si qëllim bërjen e një transparence të plotë të këtij propozimi.
Pikëpyetja që ngrihet në këtë mes është se përse Partia Demokratike nuk e bëri këtë propozim përpara regjistrimit të kandidatëve? Megjithatë, i vetmi kandidat i ‘konfirmuar’ si i inkriminuar është ai i vetë Partisë Demokratike, Gentian Muhameti në Këlcyrë.
Kandidati në fjalë jo vetëm që u detyruar të tërhiqet nga gara me vetë kërkesë të demokratëve, por largimi i tij u përshëndet edhe nga Ambasada e SHBA-ve. /A.R/
