Tatimet: Raportoni online shitjet ditore
Administrata Tatimore rikujton bizneset se në përfundim të orarit të punës, pas mbylljes së shitjeve ditore, duhet ti raportojnë ato online në serverin e DPTsë.
Sipas njoftimit të DPTsë, raportimi nuk duhet të kalojë orarin më të fundit të pranueshëm, ora 24.00, pas të cilit fillon një datë e re. Administrata Tatimore ju bën thirrje edhe tatimpaguesve, të cilët prej kohësh nuk kanë bërë transmetimet ditore që të fillojnë ti realizojnë ato.
Ky është një detyrim ligjor, i cili në rast moszbatimi i penalizon bizneset me gjoba nga 10 000 – 50 000 lekë, thuhet në njoftimin zyrtar të DPT. Sipas tyre, administrata tatimore po monitoron prej kohësh këtë detyrim të tatimpaguesve.
Për të gjithë shkelësit që nuk e zbatojnë detyrimin e mësipërm, administrata tatimore do ti kalojë për veprime të mëtejshme strukturave të saj të Hetimit Tatimor dhe atyre të Krimit Ekonomik dhe Financiar në Policinë e Shtetit për veprën penale të fshehjes të të ardhurave dhe evazionit fiskal.
Redaksia Java News/ f.g
