Sipas gazetës britanike “Financial Times”, Bashkimi Evropian dhe Shtetet e Bashkuara janë afër arritjes së një marrëveshjeje tregtare për tarifa prej 15% mbi importet evropiane, të ngjashme me marrëveshjen që Donald Trump arriti këtë javë me Japoninë.
Brukseli mund ta pranojë kompromisin për të shmangur kërcënimin e presidentit amerikan, i cili kishte njoftuar tarifa prej 30% duke filluar nga 1 gushti.
Pas njoftimit të Shteteve të Bashkuara për tarifa tregtare prej 30% ndaj Bashkimit Evropian duke filluar nga 1 gushti, BE reagoi fillimisht se do të kishte kundërmasa, por siç duket, palët kanë gjetur akordin e përbashkët për të shmangur kështu një luftë tregtare, që do të dëmtonte të dyja palët.
