Gazsjellësi Trans Adriatik (TAP), përgjatë gjurmës së gazsjellësit në Shqipëri ka kryer tashmë 19 kalime lumenjsh. Tubacioni është kaluar poshtë shtratit të lumenjve, deri në 15 metra thellësi, duke shmangur ndikimet në faunën dhe florën e luginave.
Që në fazën e projektimit të gjurmës, duke ditur paraprakisht që tubacioni kryqëzohet me 19 lumenj dhe 8 kanale kullimi, TAP identifikoi terrenin e thyer malor dhe kalimet e lumenjve të gjerë si sfidat kryesore të ndërtimit në Shqipëri.
Lumi Seman dhe lumi Osum janë dy lumenjtë kryesorë të cilën kryqëzohen disa herë ngaTAP. Lumi Seman (me gjatësi 281 km dhe me gjerësi deri në 200 m) është kaluar 2 herë ndërsa lumi Osum (me gjatësi 161 km) është kaluar 12 herë. Kalimi i tubacionit me gjatësi më të madhe është kryer nën lumin Osum, pranë Çorovodës, ku lumi është është 1.3 km i gjerë. Punimet për kalimin e tubacionit nën shtratin e lumenjve janë kryer disa qindra-metra larg nga secili breg i lumit.
TAP ka përdorur teknologjinë e mikro-tunelit për pesë nga kalimet më të gjata dhe më komplekse në lumin Osum. Një makineri për hapjen e tunelit kryen gërmime poshtë shtratit të lumit ndjekur nga vendosja e segmenteve prej betoni. Pas këtij hapi, tubat e salduar kalohen përmes tunelit.
TAP ka realizuar kalimin e dy segmenteve më të gjatë në lumin Seman duke aplikuar Shpimin Horizontal të Drejtuar (HDD). Kjo metodë përdor sonda progresive për të gërmuar poshtë shtratit të lumit. Më tej tubi i salduar tërhiqet dhe kalon përmes tunelit të
hapur.
Gjatë kryqëzimeve me rrjedha uji apo kanale më të vogla janë hapur tunele nëntokësore duke bërë të mundur që të mos mos ndikohet rrjedha apo ekosistemi. Për kalimin e lumenjve TAP ka ndjekur standardet më të larta ndërkombëtare dhe ka aplikuar teknologjinë më të fundit, sikurse në të gjithë procesin e ndërtimit të gazsjellësit. Të gjith kalimet e lumenjve janë realizuar nën vëzhgimin e ekspertëve mjedisorë të TAP dhe kontraktorëve të TAP.
a.ç
