Kryeministri Edi Rama ka nisur mëngjesin e ditës së shtunë duke ndarë në profilin e tij të Facebook, një video nga puna e përditshme e skuadrës së epidemiologëve të cilët shkojnë në banesa për ti marrë monstrat pacientëve që dyshohet se janë prekur nga Covid.
Testimi shtëpi më shtëpi, është ajo që paraqitet në videon e bërë publike nga Rama. Skuadra e epidemiologëve shprehen se qeveria ia ka plotësuar të gjitha kushtet e se po bëhet një punë mjaft e mirë si nga ana e tyre dhe e pacientëve të cilët janë të duruar.
Mjekja Dhurata Hysa shprehet se kjo që ajo bëjnë është mision. Më tej tregon se kanë marrë mbështetje nga qeveria, nga automjetet, bonusi, apo pajisjet mbrojtëse.
‘Kemi marrë bonuse, pajisje mbrojtëse, automjete, çfarë të kërkojmë ne më shumë?’- tha mjekja.
‘MIRËMËNGJESme respektin për skuadrat e epidemiologëve ku që prej javës së parë kur pandemia u shfaq në vendin tonë, janë në terren, 24 orë në 7 ditë të javës, duke zgjeruar e thelluar hetimin epidemiologjik në të gjithë vendin për të siguruar testim në kohë dhe të sigurt për qytetarët shqiptarë. Shqipëria ndërkohë vijon të fuqizojë kapacitetet e testimit, ku krahas metodës me PCR, tashmë po aplikohen edhe testet e shpejta për COVID 19, për të shkëputur sa më shumë të jetë e mundur, zinxhirin e transmetimit të virusit, përmes gjurmimit dhe izolimit të rasteve pozitive.Punë të mbarë dhe faleminderit’- shkruan Rama.
g.kosovari
