Shumë njerëz ngurrojnë ta marrin vaksinën e koronavirusit në SHBA, pavarësisht thirrjeve të autoriteteve dhe stimujve që janë vendosur. Një nga këta shtetas amerikanë, të cilët nuk pranuan ta merrnin injeksionin, ka humbur jetën nga COVID-19 së fundi.
Çështja e tij është bërë shumë mediatike për shkak të kundërshtimit të hapur për t’u imunizuar me ilaçe të autorizuara. Bëhet fjalë për një burrë me banim në Kaliforni, i cili ishte pozicionuar qartë kundër vaksinave në rrjetet sociale.
Ky individ, i quajtur Stephen Harmon, vdiq në moshën 34-vjeçare më 21 korrik, pasi qëndroi i shtruar në spital një muaj për shkakun e sëmundjes. Harmon, i cili kishte pranuar në rrjetet sociale se ndër planet e tij nuk ishte të vaksinohej, u trajtua për pneumoni të zhvilluar për shkak të COVID-19 në Qendrën Rajonale Mjekësore të Corona, një spital i vendosur në periferi të Los Anxhelos.
“Unë kam 99 probleme, por vaksina nuk është njëri prej tyre”, – deklaronte ky njeri, anëtar i kishës Hillsong, në Twitter më 3 qershor. Me të njëjtën çështje ai kishte bërë shaka në raste të tjera, duke kundërshtuar vaksinat dhe vënë në dyshim besimin e qytetarëve te këshilltari kryesor i “Shtëpisë së Bardhë” në luftën kundër pandemisë, Anthony Fauci.
“Kur nuk mund t’i besoni Biblës, që nuk është produkt i njeriut, por iu besoni udhëzimeve të CDC / Fauci, sepse ato janë shkruar nga njeriu, nuk ka asnjë kuptim”, – shkroi Stephen Harmon në llogarinë e tij në Twitter, majin e kaluar.
Në ditët para vdekjes, Harmon tregoi luftën e tij kundër sëmundjes, që i dha fund jetës së tij, duke postuar foto në shtratin e spitalit. “Unë zgjedh t’i nënshtrohem intubimit, e kam luftuar këtë sëmundje aq sa mundem, por fatkeqësisht kam arritur një pikë vendimtare kritike, aq sa urrej ta bëj më këtë. Unë do të preferoja të isha vullnet sesa një urgjencë e detyruar”, – shkroi ai në rrjetet sociale.
/a.r
