Së shpejti shqiptarët do të paguajnë edhe një taksë të re, është taksa për sigurimin e shtëpive të tyre. Kjo do të jetë një taksë e detyrueshme me ligj. Autoriteti i Mbikëqyrjes Financiare ka gati draftin që detyron çdo familje të sigurojë shtëpinë nga tërmetet dhe përmbytjet. Ky ligji është hartuar në bashkëpunimin me Bankën Botërore dhe pritet të kalojë së shpejti për miratim. Ky draft, synon të garantojë dëmshpërblim me disa kushte, sipas dëmit që pritet të shkaktojnë tërmetet dhe përmbytjet, thuhet në një shkrim në monitor.al.Sipas rekomandimeve të Bankës Botërore bëhet fjalë që kjo taksë të jetë nën 50 euro, ndërsa kompanitë private do të mbulojnë dëm me vlerë 20 mijë euro deri në 40 mijë euro. Ligji parashikon që pagimi i këtij sigurimi të mbulojë dëmet e shkaktuara nga tërmetet, duke filluar që nga rrëshqitja e tokës deri te shkatërrimi i shtëpisë.
Qytetarëve mund t’u lihet e hapur mundësia për të paguar me këste siguracionin e shtëpisë. Sipas bankës, një fond i veçantë nga të ardhurat duhet të alokohet në buxhet dhe të përdoret për ndërhyrjet e menjëhershme, në rast fatkeqësish.Nga ana tjetër, Banka Botërore vlerëson se ligji për sigurimin e detyrueshëm nga tërmetet do të lehtësonte qeverinë nga ndonjë rrezik fiskal në rast katastrofash.
ma.me
