Kimete Tereziu është e reja e cila u përball mbrëmjen e të hënës në dhomën e saj të gjumit me personin që i kishte hyrë në banesë për të grabitur.
Ishte ora rreth 20:30 kur në banesën e familjes Tereziu, në lagjen nr.13 në zonën e Plazhit në Durrës, Astrit Thaçi 27 vjeç, në tentativë për të vjedhur, por i diktuar nga të zotët e banesës, ka plagosur në këmbë të zotin e shtëpisë, Rexhep Tereziun.
Në një rrëfim për “Panorama”, ajo ka treguar momentet kur u përball me autorin në të cilat tha se i ka rënë një gjendje si të fikët nga trembja.
“Me agresorin u perballa tek dhoma e gjumit. U futa brenda dhe u tmerrova. Ai ishte i maskuar, kishte ne koke nje corape te zeze dhe ne dore mbante pistolete.
Ça ben ketu i thash, mbylle gojen me tha se ta numerova ne lule te ballit. Me shtyu dhe doli perjashte me shpejtesi. Mua me ra si te fiket. U tremba me shume per femijet pasi ishin neper kembe, nderkohe ai qellonte me arme. Ca te them, jemi te tmerruar. Perjetuam tmerr me sy, nuk di cfare te them me shume. Shpetuam mrekullisht”, tha Kimetja.
Ndërkohë babai i të plagosurit rrëfeu: “Kimetja bertiti. Nderkohe, ai doli meshpejtesi nga shtepia. Rexhepi i doli ne njeren ane ndersa nipi ne anen tjeter qe ta neutralizonin. Por sapo i afroheshin ata, ai qellonte. Qelloi kater here. Nje plumb mbertheu Rexhepin ne kembe. E la te plagosur.”
“Ishte ora rreth 08:20. Neve ishim te gjithe duke konsumuar darken. Nusja e djalit (Kimetja) degjoi zhurma tek shtepia e saj. Kemi kater pese shtepi ketu ne kete perimeter. Jane te djemve dhe vajzave te mia. Nuk kane mure ndarese. Nje mur te perbashket kane. Kur shkoi nusja e djalit, pa qe ne dhomen e gjumit ishte futur nje person i cili po kontrollonte sirtaret. Ai ishte i armatosur dhe i maskuar”, tha ai.
g.kosovari
