Sipas NASA-s, Toka mund të ketë edhe një hënë tjetër. Ajo është shumë më e vogël se hëna origjinale. Astronomët e vërejtën atë përmes një teleskopi në Haleakala, Havai.
Një asteroid i vogël është duke u sjellë përreth Tokës për pothuajse një shekull. Por astronomët e vërejtën atë vetëm kohët e fundit.
Asteroidi, i emëruar 2016 HO3, sillet rreth diellit dhe Tokës, transmeton Gazeta Express.
Ai është shumë më i vogël sesa hëna – madje shkencëtarët e NASA-s mendojnë se ai është vetëm 100 metra i madh.
Përderisa hëna qëndron e mbyllur në një orbitë rrethore përreth Tokës, 2016 HO3 lëvizë larg Tokës sa 100 herë distanca e hënës. Astronomët thonë se ky asteroid bën një “vallëzim të vogël” me Tokën.
Ky satelit i ri mund të sillet rreth Tokës edhe për shekuj të tjerë.
