Forca policore nga Tirana, Durrësi, Fieri dhe Elbasani janë organizuar në një operacion të përbashkët për të arrestuar personat e shpallur në kërkim ndërkombëtar.
Në kuadër të operacionit “Ricci” janë arrestuar 10 persona, 4 prej të cilëve në Tiranë, ndërsa të tjerët në Elbasan, Fier dhe Durrës.
Sipas burimeve të policisë të arrestuarit ishin shpallur në kërkim ndërkombëtar pasi akuzohen për trafik droge në Itali. Pas vënies së tyre në pranga pritet ekstradimi drejt Italisë, ku edhe do të përballen me drejtësinë italiane.
Burime nga policia thonë se operacioni për kapjen e të shpallurve në kërkim ndërkombëtar do të vijojë.
Të arrestuar janë shtetasit:
Agron SULMINA
Ardit HYKA
Dritan ÇELA,
Erald ZYKA (NASTO)
Gazment DIMNI
Kridens KERCUKU
Ilirjan ORHAN
Anesti Culli
Florjan Kokonozi
BW/d.i.
