Gjykata e Tiranës, vendosi këtë të shtunë, 14 shkurt, që të lërë të lirë protestuesit të cilët u arrestuan nga uniformat blu nga tubimi i 10 shkurtit, i organizuar nga Partia Demokratike, duke caktuar masën e sigurisë “detyrim paraqitjeje”.
Prokuroria kërkoi dy arreste në burg, tre arreste në shtëpi, si dhe nëntë detyrim paraqitje.
Kujtojmë se uniformat blu arrestuan 21 protestues, shtatë prej të cilëve ishin të mitur. Për këta të fundit, u vendos gjithashtu masa e sigurisë “detyrim paraqitje”.
Nga ajo protestë, 19 efektivë përfunduan në spital, dy prej tyre në gjendje të rëndë.
Nën hetim për këtë tubim janë vendosur edhe pesë anëtarë të Partisë Demokratike, Sekretari Organizativ Ervin Minarolli, si dhe katër deputetët Flamur Noka, Belind Këlliçi, Luçiano Boçi dhe Klevis Balliu.
Situata më e tensionuar u shënua para Parlamentit. Protestuesit hodhën bomba molotov dhe fishekzjarrë në drejtim të tyre. Uniformat blu reaguan me ujë me presion dhe gaz lotsjellës.
Të dëmtuar kishte nga ana e protestuesve. Deputeti Bledion Nallbati u dërgua në spital pas goditjeve nga policia dhe hedhjes së gazit lotsjellës.
Hedhin molotov per te vrare policet dhe gjykata Tiranes i le te lire ! Cfar drejtesie kwmi dhe cfar kerkojme