Analisti Preç Zogaj, i ftuar në Të Paekspozuarit, duke komentuar luftën Iran-Izrael që ka hyrë në ditën e katërt, u shpreh se guximi nga Izraeli për të sulmuar bazat dhe komandantët në Iran, nuk ishte pa patur sigurinë e SHBA-ve.
“Irani ka patur marrëdhënie të shkëlqyera me Izraelin dikur kundër të tjerëve. Kohët e fundit Trump dhe Irani ishin në bisedime për programin bërthamor, por edhe për ekonominë dhe ato vende janë kundër prodhimit të bombës atomike nga Irani.
Irani e ka në doktrinën e vet zhdukjen e Izraelit nga harta edhe pse ka një histori 2500-vjeçare. Irani ka sponsorizuar tre grupe terroriste si Hezbollahu, Hamasi dhe Houthi që janë kundër Izraelit.
Unë u çudita se si Izraeli dhe Netanjahu u rebelua dhe i kanë shkelur syrin njëri-tjetrin, e sfidoi Trumpin që ishte në bisedime. Gjithë ai guxim nga Izraeli nuk ishte pa patur sigurinë e SHBA. Trumpi është përfshirë se e ka njoftuar një ditë përpara. Izraeli me kapacitetet e jashtëzakonshme që ka, sidomos me Mossadin, ka krijuar një mendim për dobësitë e Iranit me vrasjen e komandantëve, sepse ai dukej më i fortë se çfarë është dhe vrasja e disa krerëve të inteligjencës dhe ushtrisë, marrja në zotërim i qiejve mbi Teheran në një kohë kaq të shpejtë.
Jo se Irani është shtet i dobët, por korrupsioni dhe autokracia 40-vjeçare krijon shumë probleme brenda Iranit i ka dhënë mundësi Izraelit që të pikasë dobësitë e këtij shteti që u dëshmua në këtë përpjekje.
Para sulmeve të Hamasit në Izrael, shteti hebraik po nënshkruante disa marrëveshje me vendet arabe, madje edhe me Arabinë Saudite”- tha Zogaj.
