Ministrja e Shëndetësisë Ogerta Manastirliu ka dhënë detaje të reja mbi gjendjen shëndetësore të kryebashkiakut të Lushnjes, Fatos Tushe dhe sekretares së tij Erisa Qalliu.
Në një deklaratë për mediat Manastirliu nga Spitaki i Traumës tha se ata ndodhen jashtë rrezikut për jetën dhe janë nën kontrollin e mjekëve.
“Situata paraqitet e stabilizuar janë jashtë rrezikut për jetën. Do mbahen në observim. Mjekët janë në dispozicion për të kontrolluar gjendjen e tyre shëndetësore”, deklaroi Manastirliu.
Të pranishëm në spitalin e Traumës në kryeqytet ishte edhe kreu i Kuvendit gramoz Ruçi, zv/kryeministri Erion Braçe, ministri i Brendshëm Sandër Lleshaj dhe kreu i grupit parlamentar socialist Taulant Balla si dhe disa disa figura të tjera politike.
Ata u njohën nga afër me gjendjen shëmdetësore të kreut të Bashkisë së Lushnjës fatos Tushe.
Kryebashkiaku Tushe dhe Qalliu u transportuan në Spitalin e Traumës pasi morën kujdesin e parë shëndetësore në spitalin e Lushnjes.
Ata morën dëmtime pas shpërthimit me granatë në zyrën e Tushes në Bashkinë e Lushnjes.
Dyshohet se autori i ngjarjes është ish-shoferi i tij Gëzim Saraçi i cili është larguar nga vendi i ngjarjes dhe po kërkohet nga policia.
g.kosovari
