Të paktën 24 persona, përfshirë tre fëmijë, janë vrarë në sulmet ruse të një dite më parë në Kiev.
“Rusia lëshoi 675 dronë sulmues dhe 56 raketa, kryesisht në Kiev”- njoftoi forca ajrore ukrainase, duke shtuar se njësitë e saj të mbrojtjes ajrore rrëzuan shumicën e tyre.
Presidenti Volodymyr Zelensky tha se 20 objektiva sy sulmuan në Kiev duke përfshirë shtëpi, një shkollë, një klinikë veterinare dhe infrastrukturën civile. “Sulmi me raketa ruse shkatërroi një bllok banimi në Kiev nga kati i parë deri në katin e nëntë”- tha ai në fjalimin e përnatshëm.
Sulmet ruse shkaktuan të plagosur edhe në rajonet jugore të Odesës dhe Khersonit si dhe në rajonin lindor të Kharkivit. “Këto sulme përfundimisht nuk janë akte të kryera nga ata që besojnë se lufta po mbaron. Është e rëndësishme që partnerët tanë ndërkombëtarë të mos heshtin për këtë situatë”- deklaroi Zelensky.
Aleatët e Ukrainës, përfshirë Francën dhe Mbretërinë i dënuan sulmet vdekjeprurëse, ndersa presidentja e Komisionit Evropian Ursula von der Leyen, tha se sulmet ndaj Kievit treguan se Rusia po tall hapur përpjekjet për t’i dhënë fund luftës, ndërsa kryebashkiaku i Kievit, Vitali Klitschko, njoftoi se e premtja u shpall ditë zie në kryeqytet në nderim të viktimave.
Nga ana e saj Moska tha se 4 persona u vranë nga dronët ukrainas gjatë natës i cili goditi një bllok apartamentesh dhe objekte industriale në qytetin e Rjazanit pranë Moskës.
Ndërkohë Ukraina dhe Rusia njoftuan se shkëmbyen nga 205 të burgosur lufte, një javë pasi Presidenti i SHBA-së Donald Trump paralajmëroi se një shkëmbim i madh pritej të zhvillohej mes dy palëve.
