Një stuhi e fuqishme e shoqëruar me reshje të dendura shiu, breshër dhe vetëtima ka goditur shumë pjesë të Serbisë, duke përfshirë kryeqytetin Beograd dhe qytete të tjera si Obrenovac, Pančeva, Mlladenovac dhe Kragujevcin.
Ministria e Punëve të Brendshme të Serbisë ka dërguar një njoftim urgjent për qytetarët e Beogradit përmes një mesazhi SMS, duke shpallur një gjendje të jashtëzakonshme dhe një paralajmërim për stuhi të fortë. Ky paralajmërim thekson rrezikun e mundshëm për dëme materiale, përmbytje lokale, rrëshqitje dheu dhe shembje, si dhe rrezikun e goditjeve të rrufesë.
Përveç këtyre, stuhia mund të shkaktojë probleme në furnizimin me energji elektrike, rrezik zjarr, si dhe vështirësi në telekomunikacion dhe trafik. Autoritetet kanë rekomanduar që qytetarët të qëndrojnë në shtëpi dhe të ndjekin informacionet nga burime zyrtare.
Reshjet e fuqishme kanë shkaktuar tashmë përmbytje në disa zona, por ende nuk ka informacione të plota për dëmet materiale. Situata mbetet e vështirë dhe autoritetet janë duke monitoruar gjendjen.
