Prej pasditesh të djeshme, në media po bën xhiro sherri mes mes “mbretit” të Instagramit, Kozak Braçi me një tjetër personazh të njohur, si Fabio Dushku. Familjarët e Kozak njoftuan policinë duke pretenduar për një pengmarrje ndaj tij.
Pas fyerjeve në shkallët e pallatit të të riut që jeton në lagjen e Alliasit në Tiranë ndodhi një shpërthim. Më tej, Dushku ka dërguar disa miq të tij, të cilët e kanë rrëmbyer dhe e kanë futur me dhunë në makinë duke e detyruar të thotë fjalë banale ndaj vetes pikërisht në llogarinë e tij të TikTok-ut.
Të dy personazhet janë të njohur në rrjetet sociale duke patur miq të përbashkët persona të famshëm të skenës. Një prej tyre është reperi i famshëm “Stresi”, i cili ka njohje si me grupin e Fabio Dushkut ashtu edhe me Kozakun.
Pikërisht, ka ardhur edhe reagimi nga reperi, i cili përmes një video live në Instagram, teksa bisedon me mikun e tij Aleks Visha, thotë se i ka ardhur shumë keq të ofendosh familjen në publik.
Sipas Stresit, këta zgjodhën rrugën më të lehtë, ka rrugë edhe më të rënda kur të preket familja.
“Fabio Dushku nuk është njeri i instagramit dhe ta etiketojmë si të tillë. Po vuan dënimin e tij prej 13 vjetësh në burgun e Koridhalos në Greqi për hallet e veta. Kozakun e kemi në lagje, Kozaku është një djalë shumë i mirë mirëpo instagrami, po i prish këta të rinj dhe degradohet situata deri në atë pikë.
Kozaku nuk është marrë peng s’duhet ta trashim dhe ta deformojmë situatën , thjesht për t’i thënë që nuk duhet sharë shqiptari në publik shqiptarit s’duhet t’i preket familja sepse është e ditur çfarë të pret. Kozaku është një djalë që interviston vip-at në instagram ka një audiencë të pathyeshme dhe ndaj ka influencë të madhe tek fansat.”-ka thënë ai.
“Thjeshtë kanë dashur ta trembin, unë ndërhyra direkt dhe e lëshuan. Sepse njoh familjarët e tij e bëra për të ndërhyrë tek ata djemtë. Me dhanë fjalën e burrit që nuk do ta lëndojnë dhe ashtu ndodhi.” ka thënë mes të tjerash Stresi.
“Tani i njohim të dyja palët, Fabion e kam vëlla e di gjithë Shqipëria. Nuk e hedh poshtë sot e një mijë vjet. Edhe Kozin e njohim, më ka ardh shumë keq për të, realisht tani që po folim, po tani ca me bo. S’kemi ç’bëjmë. Vëllai a e mban mend kur thosha unë që është shumë keq me tu shajt në publikë familja.
Neve na ka ndodh krejt artistave realisht. Është gjëja më e rëndë që mundet t’i ndodh dikujt. Mirëpo, këta zgjodhën rrugën më të lehtë, ka rrugë edhe më të rënda kur të preket familja. Unë jam munduar me e shujt me çdo kusht këtë punë, edhe para 10 ditësh në Sarandë, por është diçka që është e kot”, tha reperi.
Permendja e Sarandes nga Stresi, sipas te cilit ehste munduar para 10 ditesh ta shuaje kete sherr mes ketyre personave, sjell misterin nese eshte ne Shqiperi ai apo flet per mburrje.
Pasi qe para gati nje viti Arkimed Lusha, me emrin e artit “Stresi” eshte ne kerkim nga organet ligjzbatuese shqiptare per nxitje te protestave te dhunshme dhe dhune ndaj institucioneve, dhe deklarohet se eshte jashte vendit.
