Unai Emery mund ta marrë drejtimin e Romës në fund të sezonit. Drejtuesit e Romës janë në kërkim të një trajneri të ri, pasi Luciano Spalletti pritet të largohet nga skuadra në fund të sezonit.
Sipas Corriere dello Sport, drejtimin e ekipit romak mund ta marrë trajneri spanjoll, Unai Emery, përcjell Express.
Emery është trajneri i PSG-së, por mund të largohet në fund të sezonit për shkak të rezultateve jo të mira.
Thuhet se transferimin e Emery në Romë do ta realizoj drejtori i ri sportiv i romakëve, Monchi. Ky i fundit ka punuar me Emery te Sevilla për disa vite. (b.an)
