Luciano Spalletti i ka thënë “po” Milanit, sipas asaj që shpjegon eksperti i merkatos Gianluca di Marzio. Tani ka mbetur që Milani dhe Interi të ulen dhe bisedojnë për prishjen e kontratës që trajneri të mund të lirohet nga kontrata për dy vite që ka me zikaltërit, që janë të paktën 10 mln euro për të paguar.
Spalletti nuk ka ndër mend t’i falë Interit asgjë dhe, madje, sipas asaj që referohet edhe në portale të tjera, ka një farë revashi në mendjen e tij kundër klubit që e flaku në rrugë pas dy kualifikimesh në Champions League rradhazi.
Ndërkohë, Elliott u bind për t’i paguar rrogën që kërkon, për shkak se e sheh Spallettin të duhurin për të kthyer harmoninë dhe për të mbledhur grupin. Jo vetëm, por me rezultate e ka treguar. Sakaq, ideja që zona Champions ndodhet vetëm 4 pikë larg e ka bindur!
Sipas corriere.it Spalletti dhe Milani po diskutojnë për një kontratë tre vjeçare. Pioli ishte një zgjidhje e propozuar nga Maldini dhe Boban por e refuzuar nga Gazidis, duke e konsideruar ish-udhëzuesin e Fiorentinës një profil shumë të ulët për të udhëhequr ringritjen e skuadrës aktualisht. Edhe Ranieri dhe Prandelli nuk e bindën veten deri në fund. Një ide tjetër ishte Rudi Garcia, por ai tashmë ka një marrëveshje me Monakon.
Edhe pse kontrata e Marco Giampaolo skadon më 30 qershor 2021 duket se fati i itj ishte shkruar që nga nata në Marassi ku Milani edhe pse fitoi nuk i bindio drejtuesit. Nëse Spalletti firmos me Milanin ai do të jetë i nënti që drejton skuadren kuqezi në shtatë sezonet e fundit./ Javanews
