Avokati, Idajet Beqiri ka dhënë një intervistë për Fax News pasi SPAK regjistroi kallëzimin e tij ndaj Ilir Metës dhe Monika Kryemadhit ku këta të fundit akuzoheshin se kishin kryer operacione plastike prej qindra mijëra eurosh dhe se paratë ishin paguar nga një kompani “offshore”.
Beqiri tha se regjistrimi i padisë ishte një lajm i mirë. Ndërsa u shpreh i bindur për padinë e bërë sepse sipas tij, faktet i tregonin ndërhyrjet e bëra nga Meta dhe Kryemadhi.
“Mjafton ta shikosh vetë, Ilir Metën si ishte, nga 200 kile tani është bërë “fit” fare. E keni parë Monikën si ishte, është bërë “mis Albania”– tha Beqiri mes të tjerash.
I pyetur për motivin e një denoncimi të tillë, avokati tha se thjesht kishte bërë detyrën e tij si qytetar shqiptar, në mënyrë që akuzat mes politikanëve të mos mbeteshin vetëm të tilla por të kishte hetime.
Pjesë nga intervsita për Fax News:
Beqiri: Kjo ishte një rrugë normale, isha i bindur për këtë gjë që derisa u paraqit një kallëzim për të cilin ka prova dhe fakte, ky organ është i detyruar ta marrë në shqyrtim. Është lajm i mirë që është regjistruar procedimi penal. Janë disa të akuzuar, Ilir Meta, Monika Kryemadhi etj. Kjo aferë është e thjeshtë, në aspektin që janë bërë disa operacione estetike si nga Kryemadhi si nga Meta. Mirëpo shuma që është përdorur për këtë operacione shkon deri në 287.250 euro. Është bërë në një ndër spitalet më të shtrenjta të botës. Paratë janë marrë në një burim që është i dyshimtë dhe të lë të kuptosh që korrupsioni është i madh sepse paratë kanë shkuar nga një bankë offshore në Qipro drejt spitalit në San Marino ku janë bërë operacionet.
Pyetje: Duket një shumë e ezkagjeruar, pra rreth 3000 euro?
Beqiri: Unë kisha në dorë një provë që tregon se është bërë një pagesë e tillë dhe spitali e ka pranuar. Nga ana tjetër më rezultoi se atje kanë qenë 5 pjesëtarë të familjes Meta, edhe tre fëmijët. Këto janë të dhënat që formonin një dyshim të arsyeshëm. Pastaj me të tjerat do të merret hetimi. Unë vlerësoj se kam bërë një detyrë qytetare dhe do marr përgjigjien e duhur nga SPAK-u. Kemi 32 vite që akuzojmë njëri-tjetrin, por kur vjen problemi nuk kemi asnjë të ndëshkuar apo të akuzuar. Cilido që i thotë vetes shqiptar, nëse ka fakte të tilla, mund t’i çojë në organin kompetent. Një situatë e tillë, do e stabilizojë Shqipërinë.
Pyetje: Sa i bindur jeni ju avokat personalisht se familja “Meta” i ka paguar këto operacione?
Beqiri: Ato janë fakte, shumat kanë shkuar. Mjafton ta shikosh vetë, Ilir Metën si ishte, nga 200 kile tani është bërë “fit” fare. E keni parë Monikën si ishte, është bërë “mis Albania”./m.j
