12-03-2022
Politiko.al angazhoi sondazhistin e mirënjohur Eduard Zaloshnja, për të zhvilluar një sondazh rreth çmimeve të rritura dhe protestave ndaj tyre. Sondazhi u krye brenda 12 orësh, duke shpërndarë 2000 SMS të rastësishme në gjithë territorin e vendit. Nga 2000 banorët e rastësishëm që morën SMS, e plotësuan pyetësorin 1510 banorë të rritur.
Pyetjet kryesore ishin “Kë fajsoni MË SHUMË për rritjen e ndjeshme të çmimeve?” dhe “Ç’lloj protestuesish mendoni se kanë marrë pjesë MË SHUMË në protestat ndaj rritjes së çmimeve?”. Gjithashtu, të anketuarit u pyetën për gjininë, moshën, vendbanimin (urban-rural), dhe për votën e tyre të 25 prillit 2021. Në këtë mënyrë, u krijua mundësia për të kontrolluar nëse kampioni statistikor ishte i balancuar gjeografikisht, demografikisht dhe politikisht. Në fakt, kampioni rezultoi disi i zhbalancuar, dhe për këtë arsye, u ripeshua statistikisht, për ta përfaqësuar sa më mirë elektoratin shqiptar. Maksimumi i marzhit të gabimit statistikor për kampionin e ripeshuar statistikisht është plus/minus 2.7%.
Tabela 1. Kë fajsoni MË SHUMË për rritjen e ndjeshme të çmimeve?
| % | Ekstrapolim i përafërt i banorëve të rritur | |
| Luftën në Ukrainë | 30% | 630,000 |
| Qeverinë Shqiptare | 48% | 1,000,000 |
| Të dyja njësoj | 22% | 470,000 |
Tabela 2. Ç’lloj protestuesish mendoni se kanë marrë pjesë MË SHUMË në protestat ndaj rritjes së çmimeve?
| % | Ekstrapolim i përafërt i banorëve të rritur | |
| Militantë partiakë | 36% | 755,000 |
| Qytetarë të thjeshtë | 23% | 490,000 |
| Të dy llojet njësoj | 41% | 855,000 |
Tabela 3. Për kë votuan vjet banorët e rritur (si pikë referimi për pergjigjet ndaj 2 pyetjeve të sondazhit)
| Partitë | % |
| PS+PSD | 40.7% |
| P. e tjera | 39.3% |
| Nuk votuan | 20.0% |
