“Mund të përfundojmë edhe si Italia”. Kështu u shpreh kryeministri Rama i pyetur se cili mund të ishte skenari më i keq nga përhapja e kësaj pandemie. Megjithatë ai sqaroi se qeveria i ka marrë të gjitha masat, nga të cilat po shpëtohen jetë njerëzish.
“Skenari më ikeq me koronavirusin është ai i italisë. I kemi marrë të gjitha masat, të bindur se me cka po bëjmë cdo ditë, po lehtësojmë plagë e po shpëtojmë jetë, po e ngadalësojmë përhspjen e virusit. Por nga ana tjetër askush në botë nuk e di se deri në cfarë pike mund të na cënojë virusi, ti lutemi zotit të mos jemi para më te keqes fare, se para saj gjunjëzohet edhe SHBA”,- tha ai.
Ndërsa lidhur me propozimet e opozitës për frenimin e përhapjes së koronavirusit, kryeministri i vendit, Edi Rama në lidhjen direkte për “neës24” i quajti përralla. Ai tha se pavarësisht se ata përpiqen të ngatërrojnë cdo gjë, qeveria do marrë gjërat e duhura.
“Ne nuk kemi asnjë problem të marrim parasysh propozime të kujtdoqoftë, lëre pasaj të opozitës. Por opozita jonë nuk ka asnjë punë tjetër, e jona e ka zakon që edhe atë punë që ka të mos e bëjë, por të ngatërrojë punët e gjithë dynjasë duke ngatërruar cdo situatë të vështirë, duke mos u përmbajtur edhe në kohë krize si ajo e tërmetit, apo si kjo që po kalojmë tani.
Ka nevojën e vetë instiktive për të ofruar përralla. Ne do bëjmë gjërat e duhura, me mundësitë tona sa do bëjnë edhe vendet e tjera të mëdha e të vogla për popujt e tyre”,- nënvizoi Rama.
/a.r
