Çështja e emigrantëve që vijnë nga vendet afrikane dhe Lindja e Mesme vijon të mbajë gjallë debatin mes politikanëve evropianë rreth politikave që duhen ndjekur.
Një prej tyre lidhet edhe me faktin nëse duhen pranuar më shumë emigrantë apo jo. Politikanë që kundërshtojnë pritjen e flukseve të reja kanë disa argumenta mbi të cilat mbështesin kundërshtinë e tyre.
Skenari më i frikshëm është ai që ka të bëjë me faktin se qindra, ndoshta edhe mijëra xhihadistë dyshohet që mund të kenë prekur vendet evropiane.
Kjo është vërtetuar në disa sulme terroriste. Rasti më i fundit ishte në Turqi ku një kamikaz sirian i regjistruar si azilant vrau me bombë disa turistë në sheshin qëndror të Stambollit.
Teza e dytë e fortë e kundërshtarëve të emigrantëve lidhet me faktin se pjesa më e madhe e tyre “maskohen” si azilant lufte, por në fakt janë azilant ekonomik.
Pjesa më e madhe e emigrantëve janë pikërisht azilant ekonomik. Në asnjë dispozitë të BE apo vendeve anëtare nuk parashikohet pranimi i azilantëve ekonomik.
Dhe përllogaritet që 60 % e emigrantëve që kanë prekur Evropën, janë azilant ekonomik sipas Zv.presidentit të Komisionit Evropian. Dhe referuar legjislacionit në fuqi, të gjithë këta emigrantë do të duhej të ktheheshin pas në vendet e origjinës.
“Më shumë se gjysma e emigrantëve që kanë mbërritur, vijnë nga vende që nuk ka asnjë arsye pse të kërkojnë statusin e refugjatit” tha Frans Timmerman, zëvendës-president i Komisionit Evropian.
Ai tha më tej se persona që mashtrojnë nën pretendimin se kanë ikur për ti shpëtuar luftës po fitojnë statusin e refugjatit me pa të drejtë.
Timmerman u bëri thirrje vendeve të BE-së për të përshpejtuar procedurën e dëbimit për ata që pretendojnë se ikin lufta apo persekutimi dhe nuk e vërtetojnë këtë. /Javanews.al
