Presidenti rus Vladimir Putin ka përjetuar një moment të sikletshëm, gjatë vizitës së tij në Teheran, teksa u takua me homologun e tij turk, Rexhep Taip Erdogan.
Ky i fundit la të priste liderin rus për rreth 50 sekonda në këmbë, ndërsa pamjet kanë bërë tashmë xhiron e botës dhe po diskutohen shumë.
Një video e publikuar nga presidenca turke Putini shihet duke qëndruar përpara karriges së tij dhe dy flamujve të kombeve, me duar të kryqëzuara, goja që dridhej dhe qëndrimi i tij ndryshonte përpara se të shfaqej Erdogan.
Those 50 seconds that Erdogan made Putin wait, looking frazzled in-front of cameras say plenty of how much has changed after Ukraine: pic.twitter.com/giGirqaYYP
— Joyce Karam (@Joyce_Karam) July 19, 2022
“Përshëndetje, si jeni, mirë?” tha Erdogan ndërsa më pas buzëqeshën me njëri-tjetrin dhe shtrënguan duart.
Mediat e huaja raportojnë se kjo është hera e dytë që Erdogan bën të njëjtën sjellje me presidentin rus. Dy vite më parë ai gjithashtu e la Putinin në pritje për rreth dy minuta përpara një takimi.
Mediat turke shkruajnë duke pyetur nëse është kjo një hakmarrje.
