Prokuroria ka dhënë pretencën për biznesmenin Kastriot Ismailaj, administratorin e kompanisë DIA, e ngarkuar për mbledhjen e borxheve të ish-kompanisë CEZ, tashmë OSHEE.
Organi i akuzës ka kërkuar dënimin e Ismailajt me 15 vite burg. Ai akuzohet për mashtrim lidhur me borxhet e kompanisë CEZ. Sipas organit të akuzës, janë shkaktuar 4 milionë euro dëm shtetit për marreveshjen CEZ-DIA.
Në seancën e pretencës nuk ishte i pranishëm i pandehuri Ismailaj. Tashmë pritet edhe parashtrimi i konkluzioneve të mbrojtjes për t’i hapur rrugë vendimit nga ana e gjykatës.
Kjo eshte kerkesa e Prokurorise se Tiranes, ne perfundim te gjykimit, ne ngarkim te te pandehurit Kastriot Ismailaj:
1. Deklarimin fajtor të të pandehurit Kastriot Ismailaj për veprën penale të “Mashtrimit me pasoja të rënda” të parashikuar nga nenei 143/3 të Kodit penal ( të ndryshuar me ligjin nr.36 të vitit 2017) dhe dënimin e tij me 10 vjet burgim;
2. Deklarimin fajtor të të pandehurit Kastriot Ismailaj per veprën penale të “ pastrimti të produktreve të veprës penale të parashikuar nga neni 28/2 të Kodit Penal dhe denimin e tij me 8 vjet burgim;
3. Nё bashkim tё dёnimeve i pandehuri Kastriot ismailaj tё dёnohet me 15 vite burgim;
4. Shuma 3,215,176 $ dhe 451.132 Euro te sekuestruara prane bankes Credit Agricole, si dhe shuma 938.868 $, 1028 Euro si dhe 12.360.000 lek, prane Bankes Venetto, nё llogaritё e shoqёrisё“Adriatic Development Corporation Ltd” me NIPT K71319002B tё konfiskohen dhe tё kalojnё nё favor tё shtetit. /a.m.
