Presidenti Recep Tayyip Erdogan në një reagim të fundit ka sfiduar Shtette e Bashkuara të Amerikës, ku ka theksuar që të vendosin saksionet që kanë menduar ndaj vendit të tij.
Deklaratën e fundit Erdogan, e ka bërë duke iu referuar paralajmërimeve të SHBA-së për Turqinë që të mos përfshihej drejtpërdrejt në konfliktin në Nagorni-Karabakun, ku Ankaraja mbështet Azerbajxhanin kundër forcave etnike armene.
“Cilado qofshin sanksionet e juaja, mos i vononi. Hodhëm hapin (drejt SHBA-së) për avionët luftarakë F-35, paguam paratë dhe nuk na e dhatë. Nuk na e dhatë dhe na kërcënuat. Ju thatë: Dërgoji S-400 përsëri në Rusi. Ne nuk jemi një shtet fisnor, ne jemi Turqi”, është shprehur presidenti turk.
Mosmarrëveshja mbi S-400, për të cilën NATO, thekson se përbën një kërcënim për aleancën ushtarake dhe veçanërisht rrezikon sekretet teknike të F-35, është midis një numri të mosmarrëveshjeve të fundit mes Turqisë dhe disa prej aleatëve të saj në NATO.
Udhëheqësi turk përmendi gjithashtu kërcënimin e sanksioneve të Uashingtonit pasi Turqia testoi sistemin e mbrojtjes ajrore S-400 të prodhuar nga Rusia.
Ndryshe, SHBA-ja ka paralajmëruar Ankaranë se rrezikon sanksionet në bazë të Aktit të Kundërvënies së Armiqve të Amerikës përmes Sanksioneve, nëse sistemi S-400 do të aktivizohej.
Erdoğan tërhoqi vëmendjen se janë përballur me padrejtësi dhe paligjshmëri në Mesdheun Lindor dhe me përpjekje për pengesa që arrijnë deri në nivelin e kërcënimit, ndërkohë që theksoi se po zhvillonin lëvizje kundër iniciativave që ishin të dukshme.
“Jemi fajësuar pse ndodhemi pranë vëllezërve tanë azerbajxhanas të cilët mbrojnë territoret e tyre në Kaukaz. Po e them tani, disa amerikanë telefonojnë vëllain tim Ilham Aliyev dhe i thonë se ‘ne e dimë se kush qëndron pas jush. Qëndron Erdoğan, qëndron Turqia. Ne do të zbatojmë sanksione ndaj Turqisë nëse do të jetë e mundur. Por këta nuk e kanë idenë se me kë po vallëzojnë. Mos u vononi, vendosini sanskionet”, u shpreh presidenti turk, raporton Anadolu Agency.
Mes tjerash, Erdoğan tha se ndodhen në shenjestër sepse kanë shpalosur racizmin dhe islamofobinë në rritje në Evropë dhe se më parë kanë qëndruar pranë të shtypurve në të gjithë botën, nga Ballkani e deri në Azinë e Jugut kur ata janë sulmuar në të njëjtën mënyrë.
Ndërkohë presidenti amerikan Donald Trump, deri më tani nuk ka marrë asnjë sanksion ndaj Turqisë mes shpresën që Erdogan nuk do të shkojë përpara me aktivizimin e raketave.
g.kosovari
