Situata me zjarret mbetet kritike edhe në zonën e Fierit, kryesisht në Levan, radostinë, Koshovicë dhe tani në Frakull.
Të paktën 90 trupa të FA-ve, të Repartit të Poshnjës dhe Tiranës, filluan sot (5 shtator) operacionin në vatrën e zjarrit në fshatin Frrakull.
Zjarri po djeg një masiv me pisha me prezencë të lartë tymi.
Gjithashtu, në këtë perimetër të vatrës së zjarrit janë edhe 7 mjete zjarrfikëse me efektivin përkatës.
Vatra e zjarrit vazhdon edhe në drejtim të fshatit Peshtan, aktualisht në zonë të paaksesueshme nga mjetet, por larg zonave të banuara.
Raportohen disa shtëpi e ambiente të tjera të djegura, por nuk ka dëme në njerëz apo në gjë të gjallë, pasi u evakuuan nga zona e rrezikut prej ditës së djeshme.
