Prokurori i Durrësit, Arjan Ndoj i cili në vitin 2019 i shpëtoi në atentati në mbikalimin e Shkozetit, u përball sot me akuza të forta nga përfaqësuesi i ONM-së, Theo Jacops gjatë procesit të vetingut.
Jakops ka deklaruar gjatë seancës se ai nuk do donte të kishte një prokuror si Arjan Ndoj, ndërkohë që ka ngritur dyshime për shoqërinë që ky i fundit frekuenton dhe për të ardhura që ka fituar si avokat para se të behej prokuror.
Por gjatë fjalës së tij, Arjan Ndoj ka deklaruar se të ardhurat e tij janë të ligjshme, ndërkohë që ka theksuar se ai si avokat ka fituar në vit 150 mijë euro dhe jo 250 mijë euro sa deklaroi përfaqësuesi i ONM.
Gjatë seancës dëgjimore, Arjan Ndoj ka deklaruar se nuk ka asnjë kompleks inferioriteti të përballet me Theo Jacobs, ndërkohë që ka shtuar se akuzat ndaj tij ishin “biseda kafeneje”.
“Do bëj sqarim unë kam deklaruar 150 mijë euro të ardhura në vit si avokat dhe jo sa thatë ju. Titullin e magjistratit e kam fituar me shumë mund dhe djersë dhe u riktheva në punë pasi humbisja titullin për të cilin kisha luftuar gjithë jetën. Unë nuk u përkas revolucionarëve, por fakti që kam të ardhura të ligjshme është zgjidhja ime që u bëra prokuror.
Ky koment që bëni ju sepse unë i plotësoj kushtet ligjore dokumentare për prokuror. Ndjej keqardhje kur thoni 60% e prokuroreve nuk i përmbushin kushtet. S’kam asnjë kompleks inferioriteti të përballem me Theo Jacobs në nivel ekspertize, përveç moshës.
Mendoj se po te kishim punuar bashkë do kishe patur perceptim tjetër dhe ndryshe dhe jo kaq sipërfaqësor. Shkoni pyesni njerëzit se njerëzit na njohin.
Fakti se ky sistem s’ka dënuar ca nuk është argument që përdoret ne ketë panel. Po them dhe diçka tjetër, në asnjë vend të botës nuk gjykohen gjyqtarët dhe prokurorët për vendimet e tyre, por për shkaqet dhe parimet. Kjo që thoni ju janë biseda kafesh” – u shpreh prokurori Ndoj.
g.kosovari
