Nga Artur Ajazi
Lulzim Basha po mban me shpresa të kota dhe premtime “fitoresh” kryetarët e partive “aleate”. Edhe në takimet e fundit me Idrizin e PDIU-së, apo dhe Dukën e PAA-së,po ndiqet e njëjta stradegji nga Lulzimi. Premton, harron, takon, mashtron, dhe e nis nga e para. Edhe pse u ka dhënë “besën” aleatëve se “do ti fusë në lista të parët, dhe do ti mbështesë në fushatë”, e vërteta është se kryetari demokratëve ndodhet realisht në situatë të vështirë. Kjo e ka detyruar atë të mos jetë as realist, dhe as njeri i “fjalës së mbajtur”. Lulzim Basha nuk e kishte menduar se do të kishte një dimër dhe pranverë të vështirë elektorale me Edi Ramën. Premtimet e mbajtura dhe programet realiste, rindërtimi dhe përballja me pandeminë, janë vetëm disa prej sfidave të fituara nga Rama.
Kjo natyrisht mbetet pamundësia e opozitës aktuale për të ndryshuar gjithçka në 2-3 muaj, aq më keq për të shpresuar tek marrja e pushtetit. Por lulzim Basha nuk e ka problem të luajë dhe ti mashtrojë aleatët. Nuk e ka fare problem të luajë me Gonin, Shpëtimin, Vangjelin, Dashin, Fatmirin, të cilët për Lulzimin “janë gurë të konsumuar në skenën politike”. Askush prej aleatëve nuk ka shansin të mbështetet në fushatë nga baza e Partisë Demokratike. “Tymi bardhë, apo tymi i zi”, që pritet të dalë nga takimet me Idrizin apo dhe Mediun, një gjë është e vërtetë. Aleatët e Lulzimit do të mbeten me gisht në gojë, dhe do të jenë të parët që do ti bëjnë gjyqin atij pas humbjes. Kodi i ri Zgjedhor parashikon që 70 ditë para zgjedhjeve, subjektet politike, që do të marrin pjesë në zgjedhje duhet të regjistrohen në KQZ. Në rastin konkret të gjitha partitë që do të jenë pjesë e garës së zgjedhjeve parlamentare të 25 prillit do duhet të regjistrohen deri më datë 14 shkurt. Deri më këtë datë duhet të regjistrohen të gjitha partitë, edhe në qoftë se do të jenë pjesë e ndonjë koalicioni.
Afati i fundit për të regjistruar koalicionet për zgjedhjet e 25 prillit është data 24 shkurt. Koalicioni do të përmbajë logon e partisë kryesore (PD)ose palët duhet të bien dakord për një logo të përbashkët. Çdo parti e regjistruar deri më datën 14 shkurt do duhet të dorëzojë në KQZ deri më datën 24 të këtij muaji marrëveshjen e koalicionit. Por a do të arrihet një marrëveshje e tillë mes PD dhe aleatëve deri atëhere ? Edhe në rast se po, gjithçka do të shbëhet gjatë fushatës. Në një qarkore drejtuar së fundi degëve në rrethe, kryetari Basha flet për “shtërngim të rradhëve mes demokratëve, dhe asnjë përzierje me të tjerët”. Kjo natyrisht nënkupton shumë, lidhur me përfaqësuesit e partiçkave të vogla, që tek-tuk kanë nisur të afrohen në selitë e PD-së në rrethe, duke gënjyer vehten se “jemi aleatë me synim të përbashkët”. Tortën e pushtetit, Lulzim Basha e ka dashur dhe sërish e do për vehte. Shpresat e aleatëve, të cilët duhet thënë se janë në pikë të hallit, pasi nuk kanë pothuajse asnjë listë anëtarësh në rrethe, janë varur vetëm tek lista e Bashës.
Ata edhe pse e kanë kuptuar se “vonesat” e Lulit janë veçse mashtrime, sërish nuk duan ta besojnë se ai “po i shpie në burim, dhe do ti lerë pa ujë”. “Po diskutojmë formulën e koalicionit me PD-në, i takon Bashës të vendosë për koalicionet”- thotë Dash Shehi. “Po diskutojmë në nivel teknik dhe politik, jemi në fazën finale për marrëveshjen”- thotë Nard Ndoka. Por Lulzimit, as i bie ndër mënd, tu hapë as telefonin dhe zyrën ti takojë, edhe pse ata të shkretë gdhihen dhe ngrysen, me emrin e tij si “kryeministër i ri ”, duke mbajtur shpresa tek marrëveshja mes tyre dhe Partisë Demokratike qysh në 2019 pas “djegies” së mandateve nga kjo e fundit. Ai ditët e fundit madje, ka publikuar edhe një listë me afro 53 “emrat fitues nga PD”, por mes tyre nuk gjendet gjëkundi emri i ndonjë aleati. Të jetë rastësi, apo mashtrim i pastër……..
