Sa shumë seks duhet të bëjmë? Këtë pyetje, ja kemi bërë të gjithë vetes në një moment të jetës. Sa më shumë kalojnë vitet, aq më e vështirë bëhet dhënia e një përgjigjeje. Gjithsesi, kjo s’i ka ndalur ekspertët të kërkojnë dhe të dalin në një përfundim.
Sipas tyre, shpeshtësia e seksit ndryshon sipas intervaleve të moshës së njeriut. Përshembull, njerëzit nga 18-29 vjeç duhet të bëjnë seks mesatarisht 112 herë në vit (që do të thotë, diku rreth 2 herë në javë), kurse ata nga mosha 40-49 vjeç mesatarisht 69 herë gjatë vitit.
Gjithsesi, ekspertët pohuan gjithashtu se pas martesës këto vlera ndryshojnë. Jo sepse interesi ndaj partnerit është zbehur apo se nuk ka më dëshira seksuale, por jeta e ngarkuar, përgjegjësitë, apo rritja e fëmijëve e vështirësojnë aktivitetin e shpeshtë seksual.
Studime të tjera thonë se mjafton të bësh seks 1 herë gjatë javës për të qenë i lumtur (nuk përcaktohet nëse lumturia është personale apo në çift).
Në fakt, e vërteta e madhe është se në vend të numrit ideal të herëve të seksit, duhet të shqetësohemi për cilësinë e tij. A jeni të kënaqur ju dhe partneri juaj nga jeta seksuale?! Nëse po, ç’rëndësi kanë shifrat?
/b.h
