Deputetja Reme Lala ka marrë në rrjetet sociale një koment që nuk i ka pëlqyer aspak. Në një rubrikë të bërë nga vetë Lala, një nga ndjekësit e ka pyetur e si ndihet ajo që është vajza e Ymer Lalës, duke e cilësuar këtë të fundit një kriminel.
Në përgjigjen e saj Reme Lala shkruan se është koha ajo që do të tregojë të gjitha të vërtetat dhe se nuk e intimidon dot askush me këtë pyetje të ngritur mbi thashetheme.
“U mendova shumë në fakt që ta postoj këtë apo jo duke qenë se vajza/djali me një profil fallco më drejtohet në këtë mënyrë vendosa dhe unë t’i kthej përgjigje, meqë ke shkruar disa herë. E dashur/ i dashur, nëse të ndihmosh njerëzit, t’i hapësh derën çdokujt që ka nevojë, të jesh aty për ta kur nuk është askush, të gjendesh në ditën më të vështirë të një të panjohuri, të falësh respekt, të bën të jesh kriminel, atëherë duhet ta rikonceptojmë kuptimin e fjalëve. Për të gjithë ata që mendojnë se mund të më indimodojnë me thashetheme dhe të tilla fjalë, jo vetëm ti që e shkruan këtë, por kushdo që e mendon, më lejoni t’ju them se veçse më shtoni vlerësimin që kam për tim atë dhe njësoj i shtohet të gjithë atyre që e njohin. Ne jemi mësuar që koha t’i tregojë të vërtetat, ndaj koha do t’i tregojë dhe përgjigjet e pyetjeve apo komentet e këtij lloji, që për hir të së vërtetës unë kurrë nuk do t’ja bëja një vajze për babin e saj,”- shkruan Reme Lala në përgjigjen e saj.
g.kosovari
