Sali Berisha i druhet vendimit të gjykatës, se kush grupim është i ligjshëm për drejtimin e Partisë Demokratike.
Ndaj mbrëmjen e së martës, ai ka bërë presion publik ndaj gjykatës, duke aluduar se Edi Rama dhe ambasadorët (Yuri Kim), po bëjnë shantazh që të merret një vendim kundër “Foltores”.
Ai tha se ka prova, por nuk i bëri publike.
Me këtë, Berisha në fakt kërkon të kompleksojë gjyqtaren e çështjes që të marrë vendim në favor të tij, ndryshe ajo do të sulmohet.
“Edi Rama po përdor si mashë e po bën presione në gjykatë. Unë po paralajmëroj se qeveritarë kanë ndërhyrë në gjykatë.
Edhe ambasadorët po bëjnë presion. Po e ndjek me shumë vëmendje. Kam siguruar 2 burime. Nuk do përtoj t’i bëj publike”, tha ai.
Nëse do të kishte prova, natyrisht që Berisha do t’i bënte publike.
Por ai kërkon të shantazhojë gjyqtaren, që të marrë vendimin e “duhur”.
Shantazh që e ka bërë gjithmonë ndaj gjyqtarëve, kur i është dashur.
Mjafton këtu të kujtojmë rastin e famshëm të gjyqit të Ilir Metës, kur ai i shkoi për darkë një natë para vendimit të gjykatës, për t’u treguar atyre se Meta kishte mbështetjen e tij.
Apo rastin e hetimit të vrasjeve të 21 janarit, kur shantazhonte dhe kërcënonte publikisht kryeprokuroren, të cilën e quante deri edhe “lavire bulevardi”.(TemA)
g.kosovari
