Mediat dhe publiku janë njohur sot me një sërë deklarimesh të të zgjedhurve. Në morinë e formularëve, kanë rënë në sy si veprat penale të disa funksionarëve publikë, ashtu edhe ndryshimet e emrave ndër vite.
Çështja e formularëve të dekriminalizimit ka sjellë edhe shkëmbimin e akuzave në distancë mes kreut të qeverisë dhe atij të opozitës. Në faqen e KQZ, formulari i këtij të fundit nuk gjendet. Arsyeja? Lulzim Basha nuk është as kryetar bashkie, as deputet, as anëtar qeverie dhe as këshilltar në njësitë e qeverisjes vendore.
Sigurisht, këtu nuk bëhet fjalë për të dyshuar mbi pastërtinë e figurës së Bashës, por për aplikimin e një standardi të njëjtë për të gjithë. Natyrshem është edhe një mangësi e procesit të negociimit që është bërë në kohën kur u ra dakord për procesin e dekriminalizimit. Kreu i opozitës, pavarësisht kush është ai në një moment të caktuar, duhet ta ketë publik deklarimin e tij rreth pastërtisë para ligjit. Deklarimi i pare i Bashes pritet te ndodhe pas zgjedhjeve te vitit 2017, kur Basha do te zgjidhet sepaku deputet nga radhet e PD.
(javanews.al / r.a)
