Si asnjëherë më parë, Cristiano Ronaldo ka qenë i emocionuar dhe nervozuar para prezantimit të “Topit të Artë”.
Real Madrid kishte përgatitur një ceremoni speciale për Cristiano Ronaldon, i cili prezantoi “Topin e Artë” në Santiago Bernabeu në prani të legjendave të klubit madrilen që kishin fituar në të kaluarën këtë trofe, teksa mori mesazhe edhe nga Cannavaro e Kaka.
Në fushë bashkë me të ishin legjendat si Figo, Gento, Owen, Ronaldo e Zidane, të cilët uruan portugezin për Topin e katërt të Artë në karrierë, ku edhe pozoi në Bernabeu me gjithë trofetë e fituar (tre me Real Madridin, një me Manchester United).
Para se Ronaldo të merrte Topin e Artë, në një video të publikuar nga mediat spanjolle, shihet se si portugezi nuk mund të zë vend, teksa dukej tejet i emocionuar – ndoshta edhe për shkak të legjendave që ishin të pranishëm në fushë, përgatiti “Express”. (b.an)
