Gjykata e Krimeve të Rënda pranoi kërkesën e prokurorisë dhe avokatëve të Shullazit për nje ballafaqim mes biznesmenit Ylvi Beqajt me shoferin e tij Romeo Tarja, si dhe Besnik Musait e noteres Aida Spahiu, për të zbardhur kontratën për ‘Vollgën’.
Besnik Musai është shoferi i Beqajt, ndërsa Romeo Tarja ish-bodigardi personal i biznesmenit. Gjykata ka pranuar ballafaqimet mes notereve dhe dëshmitarëve të mbrojtur për të hedhur dritë për mënyrën si u bë kontrata për Vollgën tek noteri.
Sot palët debatuan në lidhje me kërkesën e prokurorisë për të lejuar leximin e deklarimeve të dhëna nga Jani Zaka. Prokuroria pretendon se ka dy deklarime të tij të dhëna në datën 03.02.2016 dhe 25.06.2016. Sipas sistemit TIMS Jani Zaka rezulton të jetë larguar nga territori i vendit tonë në datë 08.02.2016 dhe nuk është kthyer.
ma.me
