Debati u fokusua totalisht mbi vaksinën dhe specifikisht në rastin e marrjes së vaksinës nga Valbona Korini, ndër të parat shqiptare e cila mori vaksinën Pfizer/BionTech.
Pas publikimit të këtij vendimi menjëherë iu adresuan një lume komentesh paragjykuese dhe aspak mbështetëse për të. Emisioni “Sot me Xhesin” e diskutoi këtë rast gjatë transmetimit live ku vetë Valbona arriti ta ndiqte në livestream.
E pyetur nga gazetarja Xhesika Maci, Valbona arriti të na e përshkruante këtë eksperiencë direkt duke e ndjekur kështu edhe ndjekës të tjerë të Dritare.net. E pyetur sesi ndihej dhe vetë procesin e marrjes së vaksinës ajo u shpreh:
“Unë jam personi që dje në Dritare publikova procesin e bërjes së vaksinës. Unë jo thjesht u paragjykova unë u gjykova dhe u mallkova me vdekje.
Vaksinën e bëra sepse dua jetën time dhe njerëzve të tjerë .Ndihem shumë mirë, një dhimbje e papërfillshme në pjesën e injeksionit. Dozën e dytë e bëj në 25 janar.
Nuk kam ndjerë asnjë efekt tjetër anësor. Shpejtësia e daljes së vaksinës është edhe falë zhvillimit të shpejtë të teknologjisë, dhe studimi i kësaj metode ka dy dekada eksperimentimi.
Pas bërjes së dozës së dytë të vaksinës Phifer/BioTech, personi pajiset me certifikatë.
Nga informacioni deri tani pas dozës së dytë imuniteti nuk është 100%, por nëse e merr virusin sëmuresh shumë lehtë por nuk rëndohesh për shtrim në spital, por mund të jesh faktor infektimi për personat qe nuk e Kanë kryer vaksinën.
Sigurisht dhe unë kam patur dyshimet për vaksinën por jeta ime sot vazhdon edhe falë vaksinave të tjerave qe kam bërë në jetë më parë”, u shpreh Korini./a.p
