Lulzim Basha, kryetari i ‘ngrirë’ i PD ka reaguar në lidhje me një raport sipas të cilit Shqipëria është vendi i parë sa i takon përqindjes së përdorimit të kokainës për banor.
Basha thotë se kjo situatë alarmante është rezultat i alternativës së drogës që sipas tij u ofroi kryeminsitri Rama.
Ai thotë se pasojat po ndihen kudo në vend. Sipas Bashës, Rama qeveris përmes grabitjes dhe drogës.
Statusi:
Një tjetër rekord famëkeq për vendin tonë: Shqipëria është e para në botë për përqindjen në përdorimin e kokainës për banor. Zyra e Kombeve të Bashkuara për drogën dhe krimin sapo botoi një raport që pohon me fakte atë që ne kemi denoncuar papushim këto vite, se Shqipëria është një ndër vendet kryesore në botë të prodhimit dhe trafikimit të drogës. Dhe se droga ka hyrë tashmë në familjet e shqiptarëve të cilët po kthehen në përdorues droge.
Me gjakftohtësi kriminale Edi Rama ju dha shqiptarëve alternativën e drogës dhe jo të punës dhe investimeve. Pasojat e këtij veprimi antikombëtar tani kanë filluar të ndihen kudo.
Edi Rama di të qeverisë vetëm përmes grabitjes dhe drogës. Droga dhe krimi po shkatërrojnë të ardhmen tonë, prandaj duhet të bëhemi të gjithë bashkë kundër tyre.
/a.m.
