Hashim Thaçi dënohet me 25 vite burg nga Gjykata e Hagës.
Po kjo masë dënimi është dhënë edhe për Jakup Krasniqin.
Për Kadri Veselin u dhanë 18 vite burgim. Kurse Rexhep Selimi mori 13 vite dënuim nga Gjykata e Hagës.
Të katër u shpallën të pafajshëm për krimet kundër njerëzimit.
Trupi gjykues në Hagë ka konstatuar se Hashim Thaçi kishte dijeni për një numër të konsiderueshëm krimesh të kryera ndaj personave të konsideruar kundërshtarë.
Sipas gjykatësit Smith, pavarësisht kësaj dijenieje, Thaçi nuk ndërmori hapa për parandalimin apo ndëshkimin e krimeve.
Trupi gjykues konstatoi gjithashtu se, sipas tij, Thaçi mori pjesë personalisht në krime.
Gjykatësi Smith tha më tej se Thaçi përhapi ose ndihmoi në përhapjen e informacioneve të rreme për krimet, duke kontribuar, sipas konstatimit të trupit gjykues, në politikën e pandëshkueshmërisë.
Hashim Thaçi
Hashim Thaçi dënohet me 25 vite burg nga Gjykata e Hagës.
Trupi gjykues në Hagë ka konstatuar se Hashim Thaçi kishte dijeni për një numër të konsiderueshëm krimesh të kryera ndaj personave të konsideruar kundërshtarë.
Sipas gjykatësit Smith, pavarësisht kësaj dijenieje, Thaçi nuk ndërmori hapa për parandalimin apo ndëshkimin e krimeve.
Trupi gjykues konstatoi gjithashtu se, sipas tij, Thaçi mori pjesë personalisht në krime.
Gjykatësi Smith tha më tej se Thaçi përhapi ose ndihmoi në përhapjen e informacioneve të rreme për krimet, duke kontribuar, sipas konstatimit të trupit gjykues, në politikën e pandëshkueshmërisë.
Jakup Krasniqi
Jakup Krasniqi është dënuar nga Gjykata Speciale me 25 vjet burg.
Ish-zëdhënësi i UÇK-së akuzohej për krime kundër njerëzimit sipas të drejtës ndërkombëtare. Krasniqi akuzohet për përndjekje, krim kundër njerëzimit, burgosje, arrestim dhe ndalim të paligjshëm, trajtim mizor, zhdukje e personave me forcë etj.
Ish-kryeparlamentari Krasniqi u përballë me paraburgim në Hagë qysh nga nëntori i vitit 2020.
Pas gati 6 vitesh gjykim për të dhe tre ish-udhëheqësit tjerë të UÇK-së është dhënë verdikti final.
Rexhep Selimi:
Dhomat e Specializuara në Hagë kanë dënuar Rexhep Selimin me 13 vjet burgim, pasi e shpallën fajtor për krime lufte.
Trupi gjykues arriti në përfundimin se Prokuroria e Specializuar provoi përtej dyshimit të arsyeshëm përgjegjësinë penale të Selimit për një pjesë të akuzave për krime lufte.
Njëkohësisht, gjykata e shpalli të pafajshëm për akuzat për krime kundër njerëzimit.
Selimi ndodhet në paraburgim në Hagë që prej nëntorit 2020 dhe gjatë gjithë procesit është deklaruar i pafajshëm për të gjitha akuzat.
Kadri Veseli
Sot në Gjykatën Speciale në Hagë, është dhënë vendimi final për katërshen e UÇK-së, Hashim Thaçin, Kadri Veselin, Jakup Krasniqin dhe Rexhep Selimin.
Kryegjyqtari i këtij rasti, Charles Smith ka dhënë vendimin për Kadri Veselin, shkruan lajmi.net.
Veseli është shpallur fajtor për disa pika të akuzës dhe i është shqiptuar dënim me 18 vite burgim.
