Shqiptarët e Maqedonisë kanë vendosur të protestojnë të premten dy ditë para protestës së opozitës të udhëhequr nga Zaev. Sipas organizatorëve, protesta është kundër të gjitha proceseve të montuara, dhunës dhe vrasjeve të kurdisura, korrupcionit në gjykata, krimit të organizuar, cenzurës mediatike, diskriminimit, zaptimit të shtetit, varfërisë dhe manipulimeve të qytetarëve. Ata kanë rreshtuar disa arsye:
Protestojmë kundër Musa Xhaferit, Fatmir Besimit, Abdul Aqim Ademit, Ejup Halimit dhe bandës kriminele shqipfolëse të Mijallkovit dhe Gruevskit.
Protestojmë ditën e Premte si qytetarë KUNDËR:
• të gjitha proceseve të montuara,
• dhunës dhe vrasjeve të kurdisura,
• korrupcionit në gjykata,
• krimit të organizuar,
• cenzurës mediatike,
• diskriminimit,
• zaptimit të shtetit,
• varfërisë dhe manipulimeve të qytetarëve.
Protestojmë dy ditë para protestës së paralajmëruar të Zaevit, të tregojmë se JEMI shqiptarë dhe nuk do të pranojmë standardet e dyfishta në Maqedoni! Nuk duam të JEMI as pjesë e skenareve të LSDM-së, e as pjesë e skenareve të VMRO-së dhe as pjesë e skenareve të politikanëve të korruptuar.
Protesta jonë është marshi paqësor drejt integrimeve për në BE dhe NATO, nuk ka lidhje me partitë unitariste, as të vjetra e as të reja, por ka synim të kthejmë dinjitetin e secilit qytetarë shqiptarë në Maqedoni!
Le të jetë dita e Premte një sprovë se shqiptarët pa dallim ngjyre partiake në Maqedoni janë kundër Gruevskit në krye të qeverisë!
Vendënisja nga Çairçanja në orën 14:00 h.
Të gjithë ata që do të dalin të protestojnë, duhet të tregojnë se janë dinjitoz, jo të dhunshëm, paqësor dhe kërkojmë nga organet e rendit të policisë të mbrojnë rendin dhe sigurinë e secilit qytetarë.
Ata që do të tentojnë të prishin rendin, nuk do të konsiderohen se janë shqiptarë dhe do të largohen nga marshi jonë protestues.
Nuk do të ketë fjalime, as promovime të personave nga jeta politike, por thjesht të jepet mesazhi jonë i fortë: Ik Gruevski, bashkë me bandat kriminele në Maqedoni.
