Turizmi i vëzhgimit ka fituar tashmë statusin e tij edhe në Shqipëri. Ka kohë që vizitorë të ndryshëm nga vendi dhe bota, të apasionuar pas zogjve dhe shpendëve të rrallë, vizitojnë krahina të ndryshme të vendit.
Kryesisht ky turizëm specifik shtrihet në zonat bregdetare dhe ku dhe popullimi me zogj të rrallë është më i dendur.
Divjaka gjithmonë ka përbërë një vëmendje turistike jo vetëm brenda vendit, por tashmë në mbarë globin. Këto ditë, Parkun Kombëtar të saj e vizitoi një grup turistësh nga Anglia, të apasionuar pas vëzhgimit të zogjve të rrallë.
Birdëatching më në fund është kthyer në një tërheqje masive turistike për vendin tonë. Më parë, turistët e kësaj kategorie ishin spontan e të rrallë, por tani edhe Shqipëria ka tërhequr vëmendjen dhe po kthehet në destinacion turistik për vrojtimin e zogjve të rrallë.
