Presidenti i Federatës Shqiptare të Futbollit Armando Duka ka zhvilluar sot një takim me ambasadorin serb në Tiranë në kuadër të ndeshjes Shqipëri-Serbi që do të zhvilohet në Tetor. Në fjalën e tij pas takimit, Duka është ndalur në përgatitjet e kësaj ndeshje të ndjeshme për të dyja tifozeritë dhe kombet.
I pyetur për ndonjë dron të radhës, por këtë herë në “Elbasan Arena”, kreu i FSHF-së theksoi se atë më shumë e trembin “joshqiptarët”. Megjithatë ai theksoi se ka besim që çdo gjë do të shkojë shumë mirë.
“Nuk kam frikë nga dronët por nga “joshqiptarët”. Kam besim në eksperiencën e FSHF-së. Kam besim se gjithçka do të shkojë mirë.” u shpreh Duka
Takimi mes Dukës dhe ambasadorit seb u zhvillua në kuadër të masave dhe organizimit të ndeshjes Shqipëri-Serbi.
