Një shpërthim me lëndë plasëse ka ndodhur gjatë orëve të mesnatës në aksin Lezhë-Milot.
Shpërthimi ka ndodhur në një mobileri në pronësi të shtetasit Dëfrim Ajazi. Policia bën me dije se si pasojë e shpërthimit ka pasur vetëm dëme materiale.
Ende nuk dihen motivet dhe rrethanat e ngjarjes.
Njoftimi i plotë
Më datë 20.06.2021, rreth 23:40, në aksin rrugor Lezhë-Milot,, në mobilerinë në pronësi të shtetasit D.A., banues në Tiranë, ka shpërthyer një sasi e dyshuar lëndë plasëse, e cila ka shkaktuar vetëm dëme materiale.
Menjëherë në vendngjarje kanë shkuar forcat e Policisë dhe grupi hetimor ku po vijon puna për sqarimin e rrethanave të ngjarjes, identifikimin dhe kapjen e autorit.
g.kosovari
